^{ارزګان پوهنتون چي د هیواد په سطحه یو له مخ پر وده کوونکو تحصیلي نهادونو څخه ګڼل کېږي په ۱۳۹۱ هـ.ش کال کي د افغانستان د مرکزي دولت له خوا  تأسیس سو، چي په لومړي سر کي د ښووني او روزني پوهنځي په فعالیت پیل پکښي وکړ او په څلورو څانګو ( کیمیا، بیولوژي، ریاضي او پښتو ژبه او ادبیات ) کي ئې محصلان جذب کړل، چي اوس مهال د ښووني او روزني پوهنځی شپږ څانګي فعاله لري او خپلي تدریسي چاري مخ ته وړي. وروسته په ۱۳۹۲ هـ.ش کال کي د کرهڼي پوهنځی هم په یا د پوهنتون کي په فعاليت پیل وکړ، چي اګرانومي او هارټيکلچر دوې څانګي لري، همدارنګه په ۱۳۹۸هـ.ش کال کي د لوړ زده کړو وزارت د عالي شورا له لوري د ۱۳۹۹ هـ.ش کال له پاره د کمپیوټر ساینس پوهنځی د دوو څانګو ( د شبکو انجنيري او معلوماتي سيستمونه ) سره ورته منظور سو. په ۱۴۰۱ هـ.ش کال کي ارزګان پوهنتون وتوانېد، چي د شرعیاتو پوهنځی د دوو څانګو ( اسلامي تعلیمات، فقه او قانون ) په لرلو سره ایجاد کړي. وروسته د  ادارې او عامه پالیسۍ پوهنځی د لوړو زده کړو محترم وزارت د ۱۴۴۶هـ.ق کال په   ( ۹ ) ګڼه عالي شورا کي د دوو څانګو ( عامه اداره او عامه پالیسي) په لرلو سره د ارزګان پوهنتون په چوکاټ کي په رسمي ډول ور اضافه سو. ارزګان پوهنتون د ټولني په وړاندي د مسئولیتونو د تر سره کولو په لړۍکي د علمي، اداري او تربیتي تشکیلاتو در لودونکی دئ، چي د هیواد د نافذه قوانینو او  مقرراتو په رڼا کي د پوهنتون  د رئیس له خوا رهبري کېږي او تر لاس لاندي ئې د بېلا بېلو برخو له پاره مرستیالان او د هر پوهنځي او استادانو آمریت له پاره مسئولین لري چي د لوړو زده کړو وزارت د اصولو پر بنیاد په ذکر سوو بستونو کي یوازي کادري پرسونل د استخدام مستحق بلل کېږي.} 

 

 

لیرلید

^{ارزګان پوهنتون غواړي چي، د اسلامي ارزښتونواو نړیوالو معیارونو په نظر کي نیولو سره د معیاري تدریس، څېړنو او تحصیلي خدمتونو وړاندي کولو پر مټ د علمي او تخصصي کادرونو په روزلو سره، په ملي کچه یو معتبر تحصیلي بنسټ و اوسي.}

ماموریت

^{ارزګان پوهنتون د معیاري تدریس، علمي څېړنو او عصري ټکنالوژۍ له لاري، د اسلامي ارزښتونو په پام کي نیولو سره د ټولني ودي او پرمختګ په پار د تحصیلي خدمتونو په وړاندي کولو سره د علمي کادرنو او متخصصینو د روزني په برخه کي خپل مسئولیت ادا کوي.}

 

موخي

• ^{په اسلامي او ملي روحیه سمبال او لوړ کیفیت لرونکي کادرونو روزل.}

• ^{د اداري او کادري پرسونل د ظرفیت لوړول.}

• ^{د افغانستان اسلامي امارت د قوانینو او د لوړو زده کړو د لوایحو او مقرراتو رعایت.}

• ^{په ټولو برخو کي د هر ډول تبعیض څخه مخنیوی.}

• ^{د الکترونیکي زده کړو په لاره اچول، څو د تدریس کیفیت لوړ سي.}

• ^{د باکیفیته او منل سوي تدریسي تګلارو خپلول.}

• ^{په ټولو چارو کي د شفافیت او روڼتیا اصل تضمینول.}

 

ارزښتونه

• ^{د ولس د مادي او معنوي پرمختګ له پاره ټینګ هوډ.}

• ^{د بشر او انساني ژوند لوړ مقام ته درناوی.}

• ^{خپل دود او فرهنګ ته وده ورکول.}

• ^{مسلکي او معیاري زده کړي.}

• ^{د هر ډول سمتي، قومي او ژبني تبعیض څخه ډډه کول.}

• ^{په کارونو کي روڼوالی او د فساد مخه نیول.}